ರಾಮನಗರ: ಶ್ರೀ ಶಂಕರ ಸೇವಾ ಟ್ರಸ್ಟ್ ವತಿಯಿಂದ ಶಂಕರ ಮಠ ಹಾಗೂ ಶಾರದಾಂಭ ದೇವಾಲಯ ಉದ್ಗಾಟನಾ ಸಮಾರಂಭವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ದೇವಾಲಯದ ಮ್ಯಾನೇಜಿಂಗ್ ಟ್ರಸ್ಟಿಗಳಾದ ಕೆ.ಎಲ್.ಶೇಶಗಿರಿರಾವ್ ಹೇಳಿದರು.
ನಗರದ ಛತ್ರದ ಬೀದಿಯಲ್ಲಿರುವ ಶ್ರೀರಾಮ ದೇವಾಲಯದ ಹಿಂಭಾಗ ನೂತನವಾಗಿ ನಿರ್ಮಿಸಲಾಗಿರುವ ಶಂಕರ ಮಠ ದೇವಾಲಯದಲ್ಲಿ  ದಿನಾಂಕ 05-02-2018ನೇ ಸೋಮವಾರ ಮತ್ತು 06-02-2018ನೇ ಮಂಗಳವಾರದಂದು ಪ್ರತಿಷ್ಠಾ ವಿಧಿ ಕಾರ್ಯಾಂಗ ಪೂಜಾ ಕೈಂಕರ್ಯಗಳನ್ನು ಹಾಗೂ ದಿನಾಂಕ: 07-02-2018ರ ಬುಧವಾರ ಬೆಳಗ್ಗೆ 9.00 ರಿಂದ 11.15ರ ವರೆಗೆ ಸಲ್ಲುವ ಶುಭ ಪುಷ್ಕರಾಂಶ ಲಗ್ನದಲ್ಲಿ  ಶ್ರೀ ಮಹಾಗಣಪತಿ, ಶ್ರೀ ಶಾರದಾದೇವಿ, ಶ್ರೀ ವಲ್ಲೀ ದೇವಸೇನಾ ಸಮೇತ ಶ್ರೀ ಸುಬ್ರಹ್ಮಣ್ಯಸ್ವಾಮಿ ಹಾಗೂ ಶ್ರೀ ಆದಿಶಂಕರಚಾರ್ಯರವರ ದೇವತಾ ಮೂರ್ತಿಗಳಿಗೆ ಅಷ್ಟಬಂಧನ ಪ್ರತಿಷ್ಟಾಪನೆ ಮತ್ತು ಕುಂಭಾಭಿಷೇಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದ್ದು ಈ ಮಹಾಪುಣ್ಯ ಹಾಗೂ ಪವಿತ್ರ ಕಾರ್ಯಕ್ಕೆ ಎಲ್ಲಾ ಭಕ್ತಾಧಿಗಳು ತನು, ಮನ, ಧನ ಮತ್ತು ಪದಾರ್ಥಗಳನ್ನು ನೀಡುವುದಲ್ಲದೇ ಈ ದೇವರ ಕಾರ್ಯಕ್ಕೆ ಭಾಗವಹಿಸಿ ಶ್ರೀ ಭಗವತ್ ಕೃಪೆಗೆ ಪಾತ್ರರಾಗಬೇಕೆಂದು ತಿಳಿಸಿದರು.
ದಿನಾಂಕ 07-02-2018 ರ ಕಾರ್ಯಕ್ರಮಕ್ಕೆ ಶ್ರೀ ಆದಿಶಂಕರಾಚಾರ್ಯ ಶಾರದಾಲಕ್ಷ್ಮೀನರಸಿಂಹ ಪೀಠಮ್, ಶ್ರೀಮಠ ಹರಿಹರಪುರದ ಪೀಠಾಧಿಪತಿಗಳಾದ ಪರಮಪೂಜ್ಯ ಶ್ರೀ ಮದ್‍ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಸ್ವಯಂಪ್ರಕಾಶ ಸಚ್ಚಿದಾನಂದ ಸರಸ್ವತೀ ಮಹಾಸ್ವಾಮಿಗಳವರು ಆಗಮಿಸಿ ಕುಂಭಾಭಿಷೇಕವನ್ನು ನೆರವೇರಿಸಿ ಆಶೀರ್ವಚನ ಅನುಗ್ರಹಿಸಲಿದ್ದಾರೆ.
  ಶಂಕರ ಸೇವಾ ಟ್ರಸ್ಟ್‍ನ ಧರ್ಮದರ್ಶಿಗಳಾದ ಕೆ.ಕೆ.ಮೂರ್ತಿ, ಎ.ಗಣೇಶ್‍ರಾವ್, ಹೆಚ್.ವಿ. ಶೇಷಾದ್ರಿ ಅಯ್ಯರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಪ್ರತಿಷ್ಠಾಪನ ಕಾರ್ಯಕ್ರಮದ ವಿವಿರ: 
ದಿನಾಂಕ: 05-02-2018ನೇ ಸೋಮವಾರ ‘ಪಂಚಮಿ’ ಸಂಜೆ 6.00 ಗಂಟೆಗೆ ಪ್ರಾರಂಭ: ಮಂಗಳವಾದ್ಯ ಶೃಂಗೇರಿ ಶ್ರೀ ಶಾರದಾದೇವಿ ಅನುಜ್ಞೆ, ಶ್ರೀ ಗುರು ಪ್ರಾರ್ಥನೆ, ಮಹಾಗಣಪತಿ ಪೂಜೆ, ಗಂಗಾಪೂಜೆ, ಗೋಪೂಜೆ, ಪುನ್ಯಾಹ ವಾಚನ, ದೇವನಾಂದಿ, ಪಂಚಗವ್ಯ, ಋತಿಗ್ವರಣ, ರಕ್ಷಾಬಂಧನ, ಮೃತ್ಸಂಗ್ರಹಣ, ಅಂಕುರಾರ್ಪಣ, ವಾಸ್ತುಕಲಶ ಸ್ಥಾಪನೆ, ವಾಸ್ತು ಪೂಜೆ, ಅಗ್ನಿ ಪ್ರತಿಷ್ಠೆ, ವಾಸ್ತುರಾಕ್ಷೋಘ್ನಹೋಮ, ವಾಸ್ತು ಬಲಿ, ಪರ್ಯಗ್ನಿಂಕರಣ, ಗ್ರಾಮಶಾಂತಿ, ಪೂರ್ಣಾಹುತಿ, ಅಷ್ಟಾವಧಾನ ಸೇವೆ, ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗ.
ದಿನಾಂಕ: 06-02-2018 ನೇ ಮಂಗಳವಾರ ‘ಷಷ್ಠಿ’ ಬೆಳಿಗ್ಗೆ 8.00 ಗಂಟೆಗೆ ಪ್ರಾರಂಭ:  ಮಂಗಳವಾದ್ಯ, ವೇದ ಪಾರಾಯಣ, ಗಣಪತಿ ಪ್ರಾರ್ಥನೆ, ಮಹಾಸಂಕಲ್ಪ, ಕಲಶಸ್ಥಾಪನೆ, ಅಗ್ನಿ ಪ್ರತಿಷ್ಠೆ, ಮಹಾಗಣಪತಿ ಮೋದಕ ಹೋಮ, ನವಗ್ರಹ ಸಹಿತ ಮೃತ್ಯುಂಜಯ ಹೋಮ, ನಕ್ಷತ್ರಹೋಮ, ಮಹಾಲಕ್ಷ್ಮೀಹೋಮ, ಶ್ರೀ ಆದಿಶಂಕರಾಚಾರ್ಯರ ಗುರು ಮೇಧಾದಕ್ಷಿಣಾಮೂರ್ತಿ ಹೋಮ, ಧನ್ವಂತರಿ ಹೋಮ, ಉಕ್ತ ಹೋಮಗಳು, ಪೂರ್ಣಾಹುತಿ, ವಿಗ್ರಹಗಳಿಗೆ ಬಿಂಬಶುದ್ಧಿ ಜಲಾಧಿವಾಸ, ಕ್ಷೀರಾಧಿವಾಸ, ಧಾನ್ಯಾಧಿವಾಸ, ಅಷ್ಟಾವಧಾನಸೇವೆ ಹಾಗೂ ಮಹಾಮಂಗಳಾರತಿ ಪ್ರಸಾದ ವಿನಿಯೋಗ. 
ಸಂಜೆ 5.30 ಗಂಟೆಗೆ ಪ್ರಾರಂಭ, ಮಂಗಳವಾದ್ಯ, ಶ್ರೀ ಲಲಿತಾಸಹಸ್ರನಾಮ ಕುಂಕುಮಾರ್ಚನೆ, ವೇದಪಾರಾಯಣ, ಮಂಟಪಾರ್ಚನೆ, ವೇದಿಕಾರ್ಚನೆ, ಶ್ರೀ ನಾಗಸುಬ್ರಹ್ಮಣ್ಯೇಶ್ವರ ಸರ್ಪ ಶಾಂತಿ ಹೋಮ, ಸರ್ಪಸೂಕ್ತ ಹೋಮ, ಸ್ಕಂದ ಹೋಮ, ಶ್ರೀ ವಿಜಯಲಕ್ಷ್ಮೀ ಸಮೇತ ಮಹಾಸುದರ್ಶನ ಹೋಮ, ದುರ್ಗಾ ಹೋಮ, ಶ್ರೀ ಶ್ರದ್ಧಾಮೇಧಾ ಸಮೇತ ಶ್ರೀ ಸರಸ್ವತಿ ಹೋಮ, ಹಾಗೂ ಪರಿವಾರ ದೇವತೆಗಳ ಮೂಲಮಂತ್ರ, ಮಾಲಾಮಂತ್ರ, ವೇದಮಂತ್ರ, ಅಸ್ತ್ರಮಂತ್ರ ಹೋಮಗಳು, ಪೂರ್ಣಾಹುತಿ, ಪುಷ್ಪ, ಫಲಾಧಿವಾಸ, ಶಯ್ಯಾದಿವಾಸ, ಅಷ್ಟಾವಧಾನ ಸೇವೆ, ಮಹಾಮಂಗಳಾರತಿ ಹಾಗೂ ತೀರ್ಥಪ್ರಸಾಧ ವಿನಿಯೋಗ.
ದಿನಾಂಕ: 07-02-2018ನೇ ಬುಧವಾರ ‘ಸಪ್ತಮಿ’ ಬೆಳಿಗ್ಗೆ 6 ಗಂಟೆಗೆ: ಮಂಗಳವಾಧ್ಯ, ವೇದಪಾರಾಯಣ, ಗಾಯಶಾಲ ಪೂಜೆಗಳು, ಮಂಟಪಾರ್ಚನೆ, ವೇದಿಕಾರ್ಚನೆ, ಅಗ್ನಿ ಕಾರ್ಯ, ನಾಡಿ ಸಂಧಾನ ಪೂರ್ವಕ ಮೂರ್ತಿ ಹೋಮ, ನೇತ್ರೋನ್ಮಿಲನ, ತತ್ವಹೋಮ, ಕಳಾಹೋಮ, ಮೂಲಮಂತ್ರ ಹೋಮಗಳು, ಉಕ್ತಹೋಮಗಳು, ಸ್ಪರ್ಶಾಹುತಿ, ಮಹಾ ಪೂರ್ಣಾಹುತಿ, ಯಂತ್ರಾದಾನ ಪೂರ್ವಕ ಕಲಶ ವಿಸರ್ಜನೆ. 9.00 ರಿಂದ 11.15 ರ ವರೆಗೆ ಸಲ್ಲುವ ಶುಭ ಪುಷ್ಕರಾಂಶ ಲಗ್ನದಲ್ಲಿ ಪರಿವಾರ ಮೂರ್ತಿಗಳಿಗೆ ಹಾಗೂ ಶ್ರೀ ಶಾರದಾ ಅಮ್ಮನವರಿಗೆ ಮಹಾ ಕುಂಭಾಭಿಷೇಕ, ಫಲಪಂಚಾಮೃತ ಅಭಿಷೇಕ, ಅಲಂಕಾರ ಸೇವೆ, ಅಮ್ಮನವರಿಗೆ ಮಾಂಗಲ್ಯ ಸಮರ್ಪಣೆ, ಪುಷ್ಪಾರ್ಚನೆ, ಧೇನು, ಧಾನ್ಯ, ದೀಪ, ದರ್ಪಣದರ್ಶನ, ಗೋಪೂಜೆ, ಷೋಡಷೋಪಚಾರ ಪೂಜೆ, ಅಷ್ಟಾವಧಾನ ಸೇವೆ, ಮಹಾಮಂಗಳಾರತಿ, ತೀರ್ಥಪ್ರಸಾದ ವಿನಿಯೋಗ.
ಈ ಮೇಲ್ಕಂಡ ಎಲ್ಲಾ ಕಾರ್ಯಕ್ರಮಗಳನ್ನು ಭಕ್ತವೃಂದ ಸಹಕಾರದೊಂದಿಗೆ ಶ್ರೀ ಶಂಕರಸೇವಾ ಟ್ರಸ್ಟ್‍ವತಿಯಿಂದ ಲೋಕ ಕಲ್ಯಾಣಕ್ಕಾಗಿ ಏರ್ಪಡಿಸಲಾಗಿದೆ. ಈ ಮಹಾಪುಣ್ಯ ಹಾಗೂ ಪವಿತ್ರ ಕಾರ್ಯಕ್ಕೆ ಎಲ್ಲಾ ಭಕ್ತಾಧಿಗಳು ತನು, ಮನ, ಧನ ಮತ್ತು ಪದಾರ್ಥಗಳನ್ನು ನೀಡುವುದಲ್ಲದೇ ಈ ಕಾರ್ಯಕ್ರಮಕ್ಕೆ ಭಾಗವಹಿಸಿ ಶ್ರೀ ಭಗವತ್ ಕೃಪೆಗೆ ಪಾತ್ರರಾಗಬೇಕಾಗಿ ಟ್ರಸ್ಟ್‍ನ ಕಾರ್ಯನಿರ್ವಾಹಕ ಧರ್ಮದರ್ಶಿಗಳಾದ ಕೆ.ಎಲ್.ಶೇಶಗಿರಿರಾವ್ ವಿನಂತಿಸಿದ್ದಾರೆ.